Andi Bejtja pyet Ramën: Çfarë kuptimi ka shëndetësia falas kur të gjithë paguajë sigurime shëndetësore?!

Analisti Andi Bejtja i nxitur edhe nga deklaratat e djeshme të kryeministrit Edi Rama, kur foli për progresin e madh që Rilindja ka bërë në Shëndetësi, në faqen e tij në Facebook i ka bërë atij një pyetje retorike për të ashtuquajturën “shëndetësi falas”.

Sipas Bejtes, çfarë kuptimi ka për kreun e qeverisë koncepti “falas”, ndërkohë që të gjithë qytetarëve u mbahen 3.4 përqind sigurime vetëm për shëndetin!

Statusi i plotë i Andi Bejtes:

Vazhdimisht dëgjojmë kryeministrin që thotë shëndetësia tani ndryshe nga më parë është falas.

E dëgjova edhe dje dhe pavarësisht se vetë nuk besoj në konceptin e shëndetësisë falas, sinqerisht dua të di, pse tani qenka falas kur si në kohën e Nanos, si në kohën e Berishës, si tani unë dhe të gjithë paguajmë 3.4 për qind sigurime shëndetësore.

Ku është ndryshimi mund të ma thotë njeri?