Mediat e huaja tallen me Saje Qorrin: Sjell makinat elektrike, por s’ka stacione karikimi

Ditën e djeshme janë prezantuar në Tiranë 11 makinat e reja të policisë, të cilat do të funksionojnë me elektricitet. Kjo gjë ka tërhequr vëmendjen e mediave ndërkombëtare. Ministri i Brendshëm, Saimir Tahiri, ditën e enjte prezantoi me krenari flotën e vogël të makinave elektrike Volkswagen, makina të cilat do të përdoren nga disa policë.

Shqipëria është vendin i parë në rajon që implementon makinat e policisë me elektricitet, ndërsa në Evropë janë vetëm pesë shtete të tilla.

“Ai tha se makinat nuk do të përdorin asnjë pikë karburanti dhe do të kushtojnë më pak se një kafe. 120 lekë (më pak se 1 euro) për 100 kilometra.” – shkruan ABC News.

Vetëm se ekziston një problem… i vogël. Në Shqipëri nuk ka stacione karikimi, dhe pikat e karburanteve nuk e ofrojnë këtë shërbim. Kështu që makinat do të duhet të rikthehen në stacionin e policisë sa herë kanë nevojë për t’u karikuar.

electric-car1