Jozefina Topalli: Kështu ndodh, kur Kryeministri flet pa i vënë një argjinaturë vetes

Fjalimi i Deputetes Jozefina Topalli në Kuvendin e Shqiperisë:

Deputetë të majtë dhe të djathtë të PS-së, PD-së, LSI-së dhe të forcave të tjera, ne kemi një detyrë këtu në Kuvend: të përfaqësojmë interesat e atyre që na kanë dhënë votat dhe të flasim me zërin e atyre që nuk kanë zë këtu, por që ua përcjellim ne në këtë seancë.

Duke shkuar në Shkodër dhe duke ardhur nga Shkodra, duke filluar nga Fushë-Kruja dhe përtej Shkodrës, në të dy anët e rrugës, ka vetëm shtëpi,biznese dhe toka të përmbytura. Unë dëgjova sot nga qeveria të fliste për çdo gjë, por nuk dëgjova të fliste asnjë fjalë për ata fëmijë, për ata prindër, për ata pleq qe jane nen uje apo të paktën, të bënte ngushëllimet për tre veta të rrëmbyer nga rrjedha e ujërave të tmerrshme.

Sapo ka dalë një lajm tjetër. Lajmi që jepet nga mediet është: Rritet tensioni mes Tiranes dhe Athines: Greqia po çon tanke drejt kufirit me Shqipërinë. Unë nuk e di, deri ku shkon kjo, a jeni te informuar si qeveri ,por besoj se kjo kërkon të merret seriozisht , duhet te informohemi per arsyen e kesaj stervitje. Kuvendi duhet informuar.

Pak ditë më parë,sipas medias të tjerë shqiptarë u përzunë nga Greqia apo nuk u lejuan të hyjnë në Greqi.
Qeveria nuk foli.

Ne në Shkodër kemi një shprehje: “Goja llap e shpina dap”. Kështu ndodh, kur Kryeministri flet pa i vënë një argjinaturë vetes, pa i vënë një digë vetes qoftë në raportet me fqinjët, qoftë në raportet me Trump-in, qoftë në raportet me Greqinë apo në raportet me vendet e tjera.
Edi Rama mund te thote cfare te doje per cdo gje, por kryeministri i vendit duhet te frenoje vehten. E ka per deryre.
E kunderta eshte papergjegjshmeri.

Gjykoj se kjo që po ndodh është shumë serioze, ndaj dhe nuk është dita për të zgjidhur ne çështjet që ka Amerika, por të paktën të zgjidhim çështjet dhe hallet e atyre që sot janë nën ujë. Për të tjerat, ka kush mendon.

Të paktën të mos të na sillni tanket nëpër kufijtë e vendit tonë, me sjelljen tuaj të papërgjegjshme! Kjo është e tepërt dhe është shumë serioze.