Sekuestrohen 400 kg kanabis shqiptar në Brindisi. Pranga italianit e një vlonjati. Ja emrat

Një sasi e madhe droge është sekuestruar në Brindisi, Itali ndërsa në pranga janë vënë një shqiptar dhe një italian, të cilët akuzohen për transport dhe shitje të lëndëve narkotike.

Operacioni antidrogë ku u gjetën 400 kilogram kanabis sativa është bërë nga Guardia di Financa e Brindisit.

Droga mësohet se është gjetur në banesën e italianit Luca Sabetta, 37 vjeç nga San Pietro Vernotico, shitës ambulant. Bashkë me të është arrestuar edhe shqiptari Vezdhan Braimhaj, 48 vjeç nga Vlora, i cili mësohet është shoferi i një kamioni që kishte sjellë drogën.

Policia thotë se ka nisur hetimet për origjinën e drogës, por që nga të dhënat ka mbërritur në Itali nga Shqipëria me anë të trageteve të nisur nga Vlora. /SYRI.net