Shalsi i hakërrehet Metës në seancë: Nuk mund të vazhdohet kështu

Seanca e sotme ka nisur që në fillim me tensione. Ka qenë një debat mes deputetit të Partisë Demokratike dhe deputetit të PS-së Eduard Shalsi që i ka dhënë këtij të fundit shkas të shpërthejë “papritur” në kritika ndaj Ilir Metës për mënyrën se sip o e drejton parlamentit.

Ai i është hakërryer kreut të Kuvendit pasi nënkryetari i parlamentit, Edmond Spaho, tha se kryeministri Edi Rama dhe ministrat e tij nuk kishin shkuar asnjë ditë në asnjë vend të përmbytur për të parë situatën nga afër. Pas kësaj ndërhyrje Shalsi i kërkoi Metës, që të vendoste rregull në parlament dhe të respektonte rendin e ditës duke lejuar të flitej vetëm për projektligjin që po diskutohet.

“Nuk mund të vazhdohet kështu. Ose hiqni nga ekrani projektligjin dhe ta vendosim si diskutime të lira”, iu drejtua ai Ilir Metës me ton.