Shkatërrohet banda e trafikut në Finlandë, drejtohej nga shqiptarë. Sekuestrohen 2 mln euro drogë

FINLANDE- Shkatërrohet organizata kriminale e drogës në Finlandë, ndërsa në pranga kanë rënë disa shqiptarë. Mësohet se në sajë të një aksioni të madh policor u bë e mundur sekuestrimi i rreth 8 kg kokainë, 16 kg amfetaminë, methamphetamine, dhe një sasi e konsiderueshme parash të përfituara nga trafiku i lëndëve narkotike. Albinfo.ch shkruan se droga u gjet në një banesë në Vantaa Lansimoki.

Po ashtu, mediat finlandeze pohojnë se kjo është cilësuar si sasia më e madhe drogës e sekuestruar ndonjëherë në Finlandë, ndërsa nëse ajo do të shitej në treg do shkonte nga 1.5 deri në 2 milionë euro.

Bëhet e ditur se 5 persona janë arrestuar lidhur me ngjarjen, ndërsa, për dy të tjerë është dhënë masa e arrestit me burg në mungesë. Përveç shqiptarëve, (drejtonin banden) pjesë e bandës së trafikut janë edhe shtetas nga Kosova, Maroku dhe Iraku, disa prej të cilëve kanë fituar shtetësinë finlandeze.