Dako në krah të Tahirit, replikon me LSI-në: Përgjigjen do e merrni në zgjedhje

Kryebashkiaku i Durrësit, Vangjush Dako i shfaqur në krah të ministrit të Brendshëm Saimir Tahiri, të dy të “shënjestruar” me akuza nga radhët e LSI-së, i ka dhënë një përgjigje ministrit Lefter Koka. Sipas Dakos, përgjigjen LSI-ja do ta merrte në zgjedhje.

“Unë nuk merrem me llafe dhe deklarata merrem me punët dhe problemet e qytetit. Janë qytetarët që vlerësojnë punën dhe kontributin e gjithsecilit. Përgjigjen do ta merrni në zgjedhjet e qershorit”, tha ai ndërsa, bashkë me Tahirin ishin në aktivitetin e inaugurimit të zyrës së gjendjes civile në Kënetë.

Më herët ministri i LSI-së Lefter Koka në një intervistë televizive foli hapur për marrëdhëniet me PS në koalicion, rezervat e tij ndaj këtij koalicioni për shkak të të cilit, LSI mori mbi supe kosto që moralisht nuk duhej t’i merrte. Koka tha se LSI ka dimensionin për të dalë e vetme në zgjedhje dhe se ato ishin nqë rrezik pasi janë venë në shënjestër kundërshtarët. Koka tha se Dako në takimet me strukturat e PS-së u thotë të lenë mënjanë PD pasi kundërshtarja e tyre tani është LSI.