E FUNDIT/ Arrestohet për t’u ekstraduar në Itali 41-vjeçari në

VLORE-Policia e Vlorës ka arrestuar një person pasi ishte në kërkim ndërkombëtar. Në pranga ka rënë Elton Çobo, 41 vjeç, banues në Vlorë, pasi është shpallur në kërkim nga shteti italian dhe pritet të ekstradohet.

Sipas policisë, në bazë të informacioneve të siguruara në rrugë operative, është bërë e mundur kapja dhe arrestimi i 41-vjeçarit në lagjen “Pavarësia” pranë vendit të quajtur “Tregu i orizit”. Elton Çobo është shpallur në kërkim nga Interpoli Italian për veprën penale “Trafikimi i lëndëve narkotike, kryer në bashkëpunim”.

Maksimumi i dënimit për këtë vepër penale është 20 vite burg sipas Kodit Penal Italian. Gjithashtu, autoritetet gjyqësore Italiane kanë caktuar masën e sigurisë “Arrest në burg” për shqiptarin.