Haradinaj para trupit gjykues me simbole të “Shqipërisë Etnike”

Është mbyllur seanca në gjykatën franceze në Colmar, ku u shqyrtua kërkesa e autoriteteve të Serbisë për ekstradim e kryetarit të Aleancës për Ardhmërinë e Kosovës, Ramush Haradinaj. Ky vendim është shtyre dhe do të merret seancën e radhës me datë 2 mars.

Ai u ndalua nga autoritetet franceze më 4 janar të këtij viti në bazë të një urdhër-arresti të lëshuar nga Serbia përmes INTERPOL-it.

Të pranishëm në seancë mësohet se janë përveç zyrtarëve të lartë të AAK-së, edhe gruaja e Haradinajt, Anita Haradinaj.

Ndërkohë, një nga mediat serbe shkruan se “ kur po zhvillohej seanca, në sallën e gjyqit ka edhe simbole të ‘Shqipërisë Etnike”.