Statusi kundër Fatmir Xhafajt, hakohet Twitteri i këshillarit të Metës

Llogaria në profilin në Twitter e këshilltarit të Ilir Metës, Ralf Gjoni duket se është hakuar dhe persona të paidentifikuar kanë postuar gjëra të ndryshme. Njëra prej tyre ishte edhe postimi për ministrin e ri të Brendshëm, Fatmir Xhafën.

Por Ralf Gjoni mësohet se sot kur është publikuar statusi i tij në Twitter ka qenë duke udhëtuar me avion dhe nuk ka e ka bërë ai postimin, duke e quajtur si një post fals duke ia atribuuar atij dhe LSI-së.

Ja çfarë shkruan Ralf Gjoni:

Të nderuar miq, sapo kam mbërritur në Finlande pas një udhëtimi të gjatë dhe shoh që rrjetet qenkan mbushur me një ‘status’ në emrin tim të cilin nuk e kam vënë unë, lidhur me një lajm të një portali mbi Ministrin e ri të Brendshëm.

Sqaroj për miqtë e mi dhe mediat që statusi sapo është hequr nga unë dhe dua të konfirmoj që ky nuk ka qenë postim nga ana ime.

Nuk e kuptoj dashakeqësinë e atyre që kanë arritur të futen në Facebook-un tim dhe më kanë atribuuar një status që nuk me përket…

Ju falënderoj për mirëkuptimin!