Abdixhiku: Koha e superheronjve ka kaluar

Kandidati për deputet në Kuvendin e Kosovës nga radhët e koalicionit LDK-AKR-Alternativa, Lumir Abduxhiku, ka thënë se “koha e superheronjve” në Kosovë ka kaluar, dhe se tani nevojiten njerëz të ekspertizës dhe që kryejnë punë.
“Koha e superheronjve ka kaluar. Kosova nuk do të ketë luftëra, por do të ketë njerëz të fushës së ekspertizës”, ka thënë Abdixhiku në Klan Kosova.

Ai është shprehur shumë i kënaqur me ambientin që ka gjetur në LDK, dhe me pritjen që në tërësi koalicionit LDK-AKR po ua bëjnë njerëzit nëpër tubime gjithandej Kosovës.

“Ka qenë shkrirje natyrale. Jam pritur jashtëzakonisht mirë, po e ndjejë këtë frymë, jo vetëm për ne si vlerë e shtuar, por për gjithë LDK-në e koalicionit”, është shprehur Abdixhiku.

“Derisa kundërshtarët tanë kanë problem me mbushë sallat, ne nuk e kemi këtë problem, madje nuk po kemi vende. Tek bashkimi jonë, tek kjo frymë e re, 1+1 bëjnë 3, kurse tek ata (PDK-LDK-Alternativa) barazimi është zero”, ka thënë Abdixhiku, njofton Klankosova.