Meta: Në 25 qershor do ti bëjmë vettingun faqeziut që mbolli Shqipërinë me drogë

Presidenti i Zgjedhur, Ilir Meta, gjatë mitingut elektoral në qytetin e Kavajës, ka sulmuar me tone të ashpra kryeministrin Edi Rama.

Ai deklaroi se në 25 qershor do ti bëhet vettingu atij që në emër të drejtësisë mbolli Shqipërinë me drogë.

‘Në 25 qershor Kavaja do të fillojë vettingun ndaj atyre që ja nxinë faqen Kavajës. Ndaj atyre që u mësuan ti dhunojnë dhe ti shtypin qytetarët e Kavajës.

Vettingu nuk do të jetë këtu por për kryefaqeziun që flet për vettingun dhe drejtësi, për atë që e mbuloi Shqipërinë me drogë, për atë që ka frikë ga zgjedhjet e lira, për atë që s’ka lidhje as me të majtën dhe as me të dhjathtë por vetëm me tepsinë, për atë që nuk la trafikant pa vënë në krye dhe bën moral për drejtësi. Për atë që i bën thirrje për policinë e shtetit, që se bëri as Ramiz Alia, që të heqin kapelen pas orës 4 dhe të mbledhin vota për rilindjen. Ata që nuk mbajtën premtimet do të kalojnë në opozitë’, deklaroi meta.

Ndërkohë që prezantoi dhe kandidatin e LSI-së për kryetar bashkie në qytetin e Kavajës, Maksim Konën.