Lemar arrin marrëveshje me klubin nga Premierliga, do të fitojë sa Xhaka e Mustafi (Foto)

Arsenali ka arritur marrëveshje personale me Thomas Lemar. Ai do të fitojë 90 mijë funte në javë te “Topçinjtë”.
The Sun ka bërë të ditur se Arsenali ka arritur marrëveshje personale me mesfushorin 21 vjeçar të Monacos, Thomas Lemar, i cili do të fitojë 90 mijë funte në javë, aq sa aktualisht fitojnë edhe Shkodran Mustafi e Granit Xhaka.

Tani ka mbetur që klubet të merren vesh për shumën e transferimit, derisa Monaco ka refuzuar ofertën e dytë të “Topçinjve” prej 45 milionë eurove.

Pavarësisht se lojtari ka arritur marrëveshje personale me Arsenalin, nuk do t’i bëjë presion Monacos që të transferohet sa më parë në “Emirates Stadium”.

Mbetet në duar të Arsenalit nëse Lemar do t’i bashkohet “Topçinjve” në para sezon apo do të shtyhet gjithçka deri në fund të afatit kalimtar të janarit në përpjekje për të zbritur shifrën që kërkon Monaco.