Aleanca KuqeZi dënon ashpër emërimin e Ruçit

Aleanca Kuq e Zi ka reaguar pas zgjedhjes së Gramoz Rucit në krye të parlamentit shqiptar, Kryetarja e Ak-së, zonja Lumturi Ratkoceri në një status në Facebook dënon ashpërsisht këtë vendim të Rilindjes.

Ja statusi i plotë:

“Aleanca KuqeZi dënon me forcë zgjedhjen e Gramoz Ruçit në krye të parlamentit shqiptar.
Emërimi i Ruçit nuk është thjesht një qokë që Rama i bën një bashkëpunëtori besnik po shumë më tepër. Ajo është tregues i qartë se çfarë e pret këtë popull. Duke vënë ish ministrin e brendshëm të diktaturës , shkaktar për burgosjen dhe vrasjen e bijve e bijave të këtij kombi, Rama do të tregojë se ky fat i pret të gjithë ata që do të guxojnë te ngrihen kundër diktaturës së krimit dhe korrupsionit që është duke u vendosur me hapa gjigante në Shqipëri.
Aleanca KuqeZi i bën thirrje gjithë popullit shqiptar, gjithë forcave politike pa dallim, shoqërisë civile e të gjithë atyre që e duan të mirën e vendit tonë të bashkohemi në një front të përbashkët kundër të keqes së përgjithshme.”