EDITORIAL/Na mbro nga timonieri pa patentë Lul, ose je palë e tij!

 

Edhe atëherë kur Rigerta Loku iu drejtua foltores së parlamentit u morët me të shkuarën e saj e jo me përmbajtjen, nuk guxoi kush nga opozita të shkonte vërtetë nëpër fshatra për të parë në çfarë mjerimi jetojnë fshatarët atje, atyre, që ju i kërkoni vota çdo 4 vjet por u morët ku aderonte ajo vite më parë e sa e sa herë kishte qarë nëpër mbledhje partie. Kur ajo demaskonte çdo qeveri përpara 2017 se nuk kishin bërë asgjë për fshatin ju buzëqeshët dhe u strukët në kolltuqet tuaja, nuk ishit të aftë të gjenit qoftë dhe një fshatar dëshmitarë për të treguar mjerimin e vërtetë. U bëtë palë e show-t qeverisës.

Lul, sulmi ndaj qeverisë nëpër rrjete sociale dhe deklarata për shtyp nuk është mbrojtja më e mirë dhe nuk ju bën aspak më shejntorë në sytë e popullit. Sulmi, revolucioni, Lul, duhet të vijë nga baza, nga populli pasi ata janë të pakënaqurit që e vuajnë mbi kurriz pa aftësinë e të gjithëve ju, ju jeni të pakënaqurit e kolltukut, që se keni zyrën në kryeministri por ende e keni tek selia e PD-së.

Atëherë kur vendi dhe opozita duhet të gëlonte në protesta masive pasi ish ministri i brendshëm dhe të tjerë qeveritarë janë të perfshirë në trafikun e drogës. TI, Lul, zgjedh të bësh tavolina rrumbullake për të krijuar një front të përbashkët opozitar e per ti dhënë më tepër kohë që të fshihen provat e të dalin të larë nën hundën tënde dhe të opozitës. Protestën Lul nuk e bën më partia e bën populli, atë popull që ti e braktise a e shite më 18 Maj, e ti sot duhet të mësosh tu qëndrosh pranë popullit t’i kërkosh falje e ti rifitosh, jo vetëm 230 000 demokratëve që nuk të votuan por çdo shqiptar të pakënaqur. t’i mbash ata të angazhuar që të shohin dritën jeshile tek opozita.

Pra, ajo çka sheh populli sot Lul, është që drejtësia, është relative, atëherë kur qytetari i thjeshtë nuk paguan dot energjinë elektrike se me zor sjell një kothere bukë në tryezë, apo kur fshatarët nuk shesin dot në një treg të përbashkët por shesin në rrugë e u konfiskohen ato 5 kg zarzavate, pasi tek Pazari i Ri shesin bejlerët e lali Erit dhe çmimi i një tezge i kalon disa mijëra euro, kanë kryer krim ndërsa kur soji juaj prej politikani të m’veshur me imunitet që ’’përfliteni’’ nga prokuroria e shtetit fqinj por edhe nga ajo vendase të jeni të përfshirë në afera kriminale quhet sulm i ulët politik. Na shpëto me planin tënd fiskal të bërë së bashku me ekspertë gjermanë, që qytetarët e thjeshtë dhe bizneset e vogla të mos paguajnë taksa të dala nga hiçi.

Ska mbetur gjë tjetër vetëm të të bëjmë thirrje të na mbrosh nga timoneri Lul, dhe nga qeveria që ai drejton i vetëm ashtu siç premtoje në çadër a në fushatë elektorale ose ndryshe je palë dhe lodër e qeverisjes së tij. Bëj opozitë Lul dhe mos qëndro i ngrië a në gjumë!