Flash:Aksident i rëndë në Tiranë, autobusi përplas këmbësoren

Një aksident i rëndë raportohet të ketë ndodhur mëngjesin e sotëm në Tiranë në zonën e njohur si “Treshi”, para urës së Institutit Bujqësor, ku autobusi i linjës Kamëz-Qendër, ka aksidentuar një person.

Sipas burimeve nga vendi i ngjarjes, personi i dyshuar i seksit femër, ka ndërruar jetë në vend si pasojë e përplasjes fatale.

Ky nuk është rasti i parë që autobusat e kësaj linje bëjnë aksidente, si pasojë e konkurimit dhe garës me linjën tjetër konkurente, por këtë herë përplasja ka qenë fatale, duke i kushtuar jetën një personi.

Udhëtarët nga vendi i ngjarjes, shprehen se shpejtësia dhe gara mes autobusëve është kthyer në shqetësim për ta, pasi ndodh që nga frenimi i fortë të dëmtohen jo rrallë herë edhe udhëtarët e autobusit.

Policia ka mbërritur në vendin e ngjarjes dhe po heton për shkaqet e aksidentit.