Përplasje e rëndë në Itali, humb jetën një shqiptar. Ja emri

Një i ri shqiptar ka humbu jetën tragjikisht gjatë natës në Itali. Ngjarja e rëndë ka ndodhur mbrëmjen e djeshme në orën 22:30 minuta në zonën e Valganna, në Varese.

Një makinë ku udhëtonte të paktën një shqiptar është përplasur me mbrojtëset e rrugës. Bashkë me të udhëtonte edhe një fëmijë 13 vjeç.

Mediat italiane bëjnë të ditur se shqiptari i identifikuar si Frank Marku, 34 vjeç ka humbur jetën si pasojë e aksidentit. Ai kishte dalë jashtë makine, duke përfunduar në asfalt.

Edhe pse i është dhënë ndihma e shpejtë, sërish i riu shqiptar nuk kishte mundur të mbijetonte.

Ndërsa gjendja e fëmijës 13 vjeç është e stabilizuar dhe ai është jashtë rrezikut për jetën. Kanë nisur hetimet për të zbardhur shkakun e aksidentit.