TABELA/ FMN shfryn qeverinë: Harrojeni rritjen 4%. Përkeqësohet parashikimi për ekonominë

Fondi Monetar ndërkombëtar përkeqësoi parashikimin për ekonominë shqiptare gjatë vitit të ardhshëm. Në raportin e fundit të Prespektivës Ekonomike Globale, FMN deklaroi se ekonomia shqiptare në 2018 do të rritet me vetëm 3.7 për qind, nga 4.1 për qind që vlerësohej më parë.

Sipas FMN, rritja e ekonomisë shqiptare u nxit gjatë vitit aktual falë investimeve të gazsjellësit TAP dhe Kaskadës së Devollit, por me mbarimin e këtyre dy projekteve, ekonomia do të ngadalësohet.

Image

Sipas raportit, përveç vitit aktual, FMN e ka rishikuar me ulje parashikimin për rritjen ekonomike për të gjithë horizontin afatmesëm deri në vitin 2022. Përkeqësimi për rritjen ekonomike të Shqipërisë vjen në një kohë kur situata e ekonomisë globale është përmirësuar ndjeshëm.

Kjo do të thotë se shkaqet e uljes së vlerësimit për Shqipërinë janë të brendshme të lidhura me menaxhimin e ekonomisë nga qeveria.

Prej vitesh në vend nuk është afruar asnjë investim i huaj, për të mbështetur rritjen e kërkesës në ekonomi, ndërkohë që deri tani rritja ekonomike është mbështetur vetëm nga projekti TAP dhe ai i Kaskadës së Devollit, të dyja të kontraktuara nga qeveria e mëparshme e Partisë Demokratike.

Por rritja më e dobët ekonomike nuk është lajmi i vetëm i keq nga Fondi Monetar për Shqipërinë. Paralelisht ky institucion paralajmëron edhe për rreziqe më të mëdha për financat e vendit.

Sipas FMN, situata kaotike e koncesioneve dhe detyrimet që ato mund të sjellin në të ardhmen për buxhetin e shtetit kanë rritur rreziqet për financat publike të Shqipërisë.

Leave a Reply

Your email address will not be published. Required fields are marked *