VIDEO/ Një shqiptar i jep fitoren Italisë në ‘Loro Boriçi’

Shqipëria dhe Italia po luajnë ndeshjen e fundit të Grupit G eliminator të Kampionatit Botëror “Rusi 2018”, njofton SYRI.net.

1’- Ka nisur takimi, Italia nis topin e parë nga qendra

7’- Italia zbret rrezikshëm në krahun e majtë, Insigne fut një top në qendër, i vëmendshëm Veseli, i cili largon rrezikun

10’ – Grezda gjuan nga jashtë zone, gjen Buffon në pozicion, i cili pret me siguri.

20’ – Immobile në zonë ka një rast të mirë, por gjuajtja e tij pritet nga Berisha, i cili e largon topin për në goditje këndi.

27’ – Armando Sadiku i aktivizuar titullar në këtë takim, lëshon një predhë nga distanca në minutën e 27-të, duke vënë në vështirësi Buffon, i cili pret me vështirësi.

37’ – Aksion nga krahu i djathtë i Italisë, topi hidhet në zonë aty ku preket nga një mbrojtës kuqezi, me miqtë që pretendojnë për 11-metërsh.

42’ – Insigne provon nga jashtë zone me një gjuajtje të befasishme me të djathtën, paksa mbi traun e Berishës.

45+1′ – Mbyllet pjesa e parë me rezultatin 0-0.

46′ – Sapo nis pjesa e dytë, Roshi gjuan bukur, reagon Buffon.

56’ – Kuqezinjtë rezistojnë mjaft mirë, duke mos i lejuar hapësira 4 herë kampionëve të Botës.

62’ – Kundërsulm i italianëve, Insigne futet në zonë dhe gjuan fort, pret në pozicion Berisha.

63’ – Grezda vepron mjaft bukur, shkarkon të djathtën nga 25 metra, reagon mrekullisht Buffon.

73’ – GOOOOOOL.. Gabim në mbrojtje i kuqezinjve, topi shkon te Candreva i cili gjuan menjëherë dhe shënon golin e avantazhit për Italinë.

90+3’ – Rasti i fundit për Italinë, por që nuk arrin të dyfishojë shifrat. Përfundimisht 1-0 dhe Italia mposht kuqezinjtë, të cilët gjithsesi e mbyllin në vendin e tretë në Grupin G.

Leave a Reply

Your email address will not be published. Required fields are marked *