Banorët braktisen nga qeveria/ Nuk na kanë dëmshpërblyer që nga 2015-ta

Kryetari i PD-së ka zbritur ditën e sotme për të inspektuar gjendjen emergjente të krijuar si pasojë e rreshjeve të dendura të shiut të këtyre ditëve.

Gjatë inspektimit të zonave të përmbytura në Vlorë, Basha u ndal në Novoselë, nga ku është shprehur se banorët nuk kanë patur asnjë ndihmesë nga Bashkia e Vlorës, ku kreu i saj u ka thënë se shiun nuk ua solla unë.

“Banore: Dritan Leli më tha mua nuk ta solla unë shiun. i kërkova bar për bagëtinë se po më ngordhin matanë. S’ta solla unë shiun më tha dhe ta ngrije barin se u lajmërua për 3 ditë. Kush ta ngrinte i thashë. Ta ngrinte çupa më tha. i thashë mos më jep mend mua dhe i thashë ik.

Banor: Dalin në televizior me paturpësinë më të madhe dhe thonë kemi sjellë ujë e ju kemi sjellë këtë dhe atë.

Basha: Ju kanë sjellë gjë?

Banori: Deri tani nuk ka ardhur njeri. zero.

Basha: U kanë sjellë ujë apo ushqim?

Banorët: Jo jo fare”

Banorët denoncuan me dokumenta edhe mashtrimin e qeverisë me dëmshpërblimet.

“Banor: Kryeministri na tha nga A dhe Zh do dëmshpërblehen të gjithë personat. Këtu kemi llogaritë bankare dhe dëmin e vitit 2015 dhe asnjë nuk na ka dëmshpërblyer. Të parat, mbetën ato. Ndërsa tani nuk na vjen njeri të na shikojë.”