Bora “pushton” Shqipërinë, zonat më të rrezikuara

Përkeqësohet ndjeshëm moti.

Shirat ia kanë lënë vendin dëborës. Raportohet se problematike situata paraqitet në veri të vendit.

Në fshtrat e thellë, Vlabonë e Theth debora rrezikon të bllokojë rrugët. Sipas Meteoalb, situata pritet të rëndohet edhe më tej.

Reshjet e dëborës priten të shtohen në veri dhe juglindje të vendit. Parashikohet që ajo të arrijë deri në 70 centimetra.

Rrezikohet gjithashtu që shumë zona të thella të mbeten të bllokuara. Në zonat Juglindore rreshjet e borës do të vazhdojnë deri paraditen e së shtunës.

RESHJET

Sot (e enjte, dt.28) në shumicën e qarqeve priten reshje mesatare, ndërsa në Veri dhe Jug intensive, deri lokalisht shumë intensive, në qarqet Shkodër, Kukës, Vlorë dhe Gjirokastër, shoqëruar edhe me shtrëngata (siç tregohet në tabelë, respektivisht për secilin qark).

Në zonat malore do të ketë edhe reshje dëbore, që sot do të shfaqen në lartesinë mbi 1200 metra mbi nivelin e detit, ndërsa nesër priten të zbresin deri në lartësinë 500 metra mbi nivelin e detit.

2

TEMPERATURAT

Sot (e enjte, dt.28) temperaturat minimale dhe maksimale të ajrit pritet të arrijnë: në bregdet: 9 °C / 14 °C në vendet e ulëta: 8 °C / 11 °C në vendet malore: 2 °C / 5 °C.

ERA

Sot  (e enjte, dt.28) era do të fryjë mesatare, deri e fortë në bregdet dhe zonat malore, ku do të arrijë shpejtësinë mbi 50km/orë.

Aktualisht nuk raportohen rrugë të bllokuara, por në shumë akse është i nevojshëm përdorimi i zinxhirave.