Copëtohet Opozita/5 aleatë: Lamtumirë Luli “vocërr”

Disa javë më parë, drejtues të PAA i bënë thirrje Agron Dukës që të dilte në krye të një lëvizjeje politike e cila do të krijonte një pol të tretë politik në vend.

Nëpërmjet qëndrimeve të disa drejtuesve të PAA, por edhe diversionit në media, Duka arriti të krijonte idenë se diçka po ndodh. Ai dhe disa eksponentë të partive të vogla deklaronin se zhvillonin takime, konsultime dhe kishte një ide për të ecur drejt një poli politik jashtë dy të mëdhenjëve.

Në fakt poli i tretë nuk ka asnjë hap përpara, dhe më shumë sesa një lëvizje serioze politike duket të ketë qënë një “lojë” dhe presion i kreut të PAA, Agron Duka, kundër Lulzim Bashës.

Burime zyrtare nga Partia Demokratike i thanë CityNews.al se Agron Duka ka ushtruar presion ndaj Lulzim Bashës për shkak se kërkon të marrë mandatin e deputetit, të cilin nuk e fitoi dot si numri 5 në qarkun e Durrësit.

E vetmja mënyrë që Duka të hyjë është largimi i një prej katër emrave kryesues të listës. Përpara Dukës ndodhen Oerd Bylykbashi, Fatbardha Kadiu, Edi Paloka dhe Florion Mima.

Tre burrat e listës, Agron Duka nuk “i ha” dot dhe ka ushtruar debate të forta, duke i kërkuar Lulzim Bashës që ti japë mandatin e deputetit duke larguar nga lista deputeten Kadiu.

Duka e ka propozuar këtë skenar, dhe Lulzim Basha ka filluar skemat, duke tentuar që ti japin dorëheqjen nga listat e PD-së të gjitha femrat kandidate. Basha ka bërë disa tentativa, por Duka ka pasur dyshime se kryetari i PD-së mund ta gënjejë si zakonisht, dhe ka zgjedhur një lojë politike. Ka dalë në skenë me polin e tretë.

Pas disa publikimeve në media, ka inskenuar edhe një drekë me Ben Blushin dhe Dashamir Shehin, e cila edhe nga CityNews u raportua si hap i parë i tentativës për një pol të tretë politik.

Në fakt, ajo ka qënë një drekë mes miqsh dhe asgjë më shumë se aq. Si e tillë, ajo nuk mund të sillte një pol politik, apo një qëndrim të tre personazheve në drekë.

Duka për të ushtruar presion ndaj Lulzim Bashës, dhe për ta detyruar që të mos ta gënjejë, ka “shitur” në media një lëvizje të pretenduar politike.

“Në fakt, poli i tretë politik nuk ka ekzistuar aspak dhe nuk ka asnjë lëvizje, ishte thjeshtë dhe vetëm një skenar i Agron Dukës për presion mbi Lulzim Bashën”.- sqaroi një burim zyrtar nga PD

Ditët e fundit, nuk ka pasur asgjë, asnjë zhvillim, përkundrazi, pasi Dukës i është mbushur mendja se Lulzim Basha ka bërë të gjitha përpjekjet që deputetja Fatbardha Kadiu të jepte dorëheqjen, i është mbushur mendja që ska më zgjidhje.

Tani i duhet të rrijë dhe të presë nën sqetullën e Lulzim Bashës, që ky i fundit ta gënjejë sërish, apo “t’ja fusë” politikisht si në 2015-ën kur e gënjeu për Bashkinë e Durrësit, apo në 2017, kur e vendosi nga fundi i listës./ CItyNews

Leave a Reply

Your email address will not be published. Required fields are marked *