Deputeti i PD-së,për Ramën: Vlerësoj organizimin dhe praninë e tij

Deputeti i Partisë Demokratike, Luan Baçi vëzhgoi nga afër gjendjen në fshatin Ferras të Fierit pas përmbytjeve që shkaktuan shirat e dendur.

Ai i bëri thirrje politikës që të jetë e bashkuar në këtë moment të vështirë.

Baçi nuk la pa vlerësuar edhe punën e kryeministrit Rama ku theksoi se: Nuk mund të rri pa vlerësuar organizimin, praninë e kryeministrit Edi Ramës.

“Jemi këtu në Ferras, ku ka përmbytje të shumta nga shirat e fundit, njerëzit janë në gjendje alarmi, përmbytje të shumta, rrugë të bllokuara. Duhet të jemi të gjithë bashkë, nuk mund të rri pa vlerësuar organizimin, praninë e kryeministrit Edi Ramës, të kryeparlamentarit Gramoz Ruçit, angazhimin e FA. Duhet të tërheq vëmendje se puna nuk mbaron me një ardhje dhe prononcim në media, puna duhet të vazhdojë”, u shpreh deputeti Baçi.  /Lexo.al