Meta tregon gabimin e tij të vetëm, flet për bastet dhe kazinot

Presidenti i vendit Ilir Meta në një intervistë në emisionin “opinion”, mes të tjerësh ka folur edhe për stilin e jetës së tij.

Meta u shpreh se ai bën një jetë shumë të thjeshtë dhe pranë qytetarëve. Ai tha se nuk ka luajtur ndonjëherë në kazino ose baste sportive.“Besoj se bëj një jetë normale. Nuk luaj as baste dhe as në kazino, kështu që nuk kam patur ndonjëherë nevojën për shuma të mëdha pasi bëj një jetë korrekte”,- u shpreh Meta.

Ndër të tjera Meta ka treguar dhe gabimin e tij të vetëm, që sipas tij ka qenë celebrimi i festës së ditëlindjes.

“Kam bërë vetëm një gabim, i cili ka qenë festimi një ditëlindjeje timen, të cilën nuk e kisha festuar kurrë më parë, por meqë nuk kisha bërë as dasëm. Dhe ajo u keqpërdor dhe u keqinterpretuar qëllimisht”,-tha Ilir Meta.