SKANDAL/Olsi Rama “kërcënon” policinë/I merrni urdhrat nga vëllai im (video)

Pas konfrontimit të tifozëve të Partizanit dhe efektivëve të policisë, ka ndërhyrë edhe vëllai i Kryeministrit, Olsi Rama, i cili ka kërkuar nga policia që të hapë dyert për tifozët e Partizanit.

Në një video të siguruar nga Syri.net, Olsi Rama, në sherr e sipër me policinë shprehet: “Jam Olsi Rama, hapni dyert e stadiumit. Policia i merr urdhërat nga vëllai im, jo nga federata!”

Shkak për këtë është bërë vendimi i policisë që nuk lejonte tifozët e Partizanit të hynin në stadium nëse nuk ishin të pajisur me kartën e identitetit.

Gjatë debatit me drejtorin e Policisë së kryeqytetit, Ardi Veliu, Olsi Rama, e ka urdhëruar këtë të fundit të hapë dyert, ndërsa po ashtu ka urdhëruar edhe skuadrën e Partizanit të mos futet në fushë pa hyrë tifozët.

Veliu është shprehur: “Dakort shef, unë të njoh ty, jo vendimin e Federatës.”

Më poshtë mund të shihni videot në fjalë: