U kapën me bomba molotov e shkopinj/ Ja cilët janë tifozët e arrestuar

Policia e kryeqytetit ka arrestuar 3 tifozë rë cilët një natë më parë në derbin e basketbollit Tirana-Partizani, kanë tentuar të prishin rendin dhe qetësinë gjatë zhvillimit të ndeshjes.

Policia ka arritur të parandalojë një agravim të situatës, dhe pasi ka pikasur sende të ndaluara nga tifozës, si dërrasa, shkopinj dhe bomba molotov, ka ndërhyrë, duke arrestuar 3 persona dhe hetuar në gjendje të lirë 3 të tjerë. Të arrestuarit janë përleshur me policinë me shkopinj, dhe pas neutralizimit të tyre ka ardhur edhe arrestimi.

Në pranga janë vënë:

Bledar Beca, 33 vjeç, Agron Meçanaj, 38 vjeç dhe Aden Xh., 18 vjeç, të gjithë banues në Tiranë.

Motivi i kësaj situate ka qenë se punonjësit e policisë kishin marrë detyrë që atë grup tifozësh prej afro 130 personash ta zhvendosnin nga aty ku ishin pozicionuar pasi ishin burim konflikti dhe ishin përgatitur të prodhonin konflikt me ekipin kundërshtar, atë të Tiranës.

Vijon puna për identifikimin, kapjen dhe arrestimin edhe të personave të tjetër që kundërshtuan me dhunë punonjësit e policisë.

Gjithashtu u referuan materialet në Prokurorinë e Rrethit Gjyqësor Tiranë, për shtetasin H.K, I.S dhe TH.N, vjeç 29, 23 e 20, banues në Tiranë, pasi në pallatin e sportit “Asllan Rusi”, gjatë zhvillimit të ndeshjes së basketbollit Tirana-Partizani, kanë prishur rendin dhe qetësinë publike. /CityNews