Arsyeja qe bashkoi aktoren e njohur turke me ish bashkëshortin

Divorci i bujshëm i aktorëve Tuba Buyukustun dhe Onur Saylak, qershorin e vitit të kaluar, u komentua gjatë në mediat turke, aq sa një pjesë e mirë e tyre akuzuan aktoren edhe për një tradhti të mundshme që, me gjasë, çoi në ndarjen e çiftit. Edhe pse vetë aktorja e njohur për shumë role nuk dha asnjë koment publikisht, ishte Saylak ai që, përmes një reagimi publik, i doli në mbrojtje nënës së binjakeve të tij dhe tha se nuk ishte tradhtia ajo që çoi në divorcin e tyre.

Po shumë shpejt u mësua se Tuba po shijonte një romancë të re me biznesmenin Umut Evirgen dhe dyshimet u vërtetuan pas disa fotove që paparacët i kapën çiftit në momente romantike. Lidhja u bë serioze dhe mediat vendëse shkruan se në fillim të vitit, do të vinte shpejt edhe martesa.

Ndërsa Tuba dhe Umut vazhdojnë ta shijojnë lidhjen të qetë, një lajm tjetër i bujshëm ka qarkulluar sot. Aktorja është bashkuar me ish-bashkëshortin për të festuar ditëlindjen e binjakeve të tyre. Megjithëse është menduar se aktorët janë ndarë me “luftë”, krejt e kundërta duket përmes këtyre fotove ndërsa ata shihen duke qeshur e duke u argëtuar në shoqërinë e  të bijave.

Vajzat i kanë bërë bashkë edhe një herë prindërit e tyre duke i bërë të ndihen, qoftë edhe për disa orë, si një familje e lumtur.