Berisha: Shqipëria humbet nga marrëveshja e Ramës me Greqinë, e turpshme…

Sali Berisha, ish-Kryeministër, tha se Shqipëria do të humbasë shumë nga marrëveshje e arritur nga Edi Rama me Greqinë. Berisha e cilësoi atë si një akt të mirëfilltë anti-kombëtar dhe kurrë nuk do të pajtohem me atë.

“Ministri i Jashtëm grek nuk do të gënjente Parlamentin e vendit të tij për të deklaruar gjëra që nuk ekzistojnë.

Është e turpshme që ne transparenca na vjen nga Athina dhe nuk na vjen nga Tirana”, tha Berisha.

Ish-Kryeministri shprehu bindjen se ajo marrëveshje nuk do të kalojë, madje duke përdorur çdo mjet për të mos lejuar zbatimin e saj.

Në vijim, Berisha theksoi se Edi Rama iu drejtua Kushtetueses për marrëveshjen e 2009 me Greqinë për interesin e një pale të tretë, që është Turqia.

“Ia kam bërë të qartë se për çështjet që kanë të bëjnë me sigurinë, qeveria shqiptare do të mbështesë vetëm SHBA. Presidenti amerikan i kushtoi një paragraf të tërë atij qëndrimi të Shqipërisë në OKB, e keni lexuar apo jo?”, tha Berisha.