FOTO / Më në fund Mario, grimieri i Kim Kardashian mbërrin në Shqipëri për eventin gjigant ‘Oda’

Ai sot është një ndër grimierët më të famshëm në botë, pasi kujdeset për pamjen e disa prej personazheve më të njohur të showbiz-it ndërkombëtar si motrat Kardashian-Jenner, Megan Fox, Demi Lovato, Eva Longoria etj.

Image

Artisti shqiptar i makeup-it Mario Dedivanoviç sot konsiderohet krahu i djathtë i Kim Kardashian e sapo ka nisur një reality show që ka si producente pikërisht yllin e “Keeping Up With The Kardashians”. Dhe gjejeni çfarë…

Image

Së shpejti Mario do të vijë në Shqipëri, për të marrë pjesë në eventin për të cilin të gjithë po flasin në rrjetet sociale. Bëhet fjalë për eventin e titulluar “Oda”, një mbrëmje gala gjigante që ka si synim promovimin e vlerave, kulturës dhe turizmit në Shqipëri, Kosovë, Maqedoni e Mal të Zi.

Image

Nën kujdesin e “Ami Event”, në këtë event të shumëpritur do të jenë të ftuar emra të mirënjohur të artit, sportit e biznesit të cilët do të vlerësohen me çmime të ndryshme për përcjelljen e vlerave të kombit shqiptar në mbarë botën.

Image

Mes tyre do të jetë dhe grimieri i famshëm Dedivanoviç, i cili që në hapat e parë të karrierës ka folur për origjinën e tij shqiptare si dhe ka prezantuar traditat e vlerat shqiptare për qindra mijëra ndjekësit e tij në rrjetet sociale.

Mario Dedivanoviç pritet të mbërrijë në Tiranë më 19 janar, për të marrë pjesë në mbrëmjen gala “Oda” që do të mbahet më 20 janar në ambientet e Pallatit të Brigadave.

Image