Korçë, gruaja dhunon burrin, kërkohet urdhër mbrojtjeje për 38 vjeçarin

Një tjetër rast i dhunës në familje është shënuar, këtë radhë në Korçë. Sipas asaj që bën të ditur policia, ka qenë 38 vjeçari me iniciale K.C. i cili ka kallëzuar penalisht gruan e tij, 33 vjeçare me iniciale M.C., pasi e akuzon për dhunë ndaj tij.

Burri mësohet se ka thënë në polici se është krejtësisht i pambrojtur përballë gruas që e dhunonte psikologjikisht.

Për këtë arsye, policia e Korçës ka kërkuar urdhër-mbrojtje për 38 vjeçarin si dhe ka nisur hetimet.

Në njoftimin e  policisë thuhet se

Më datë 09.01.2018, u plotësua kërkesë padia për lëshimin e urdhrit të mbrojtjes së menjëhershme për shtetasin K.C, vjeç 38, pasi dyshohet se bashkëshortja M.C vjeç 33, ka ushtruar dhunë psikologjike ndaj tij.

Materialet u referuan në Gjykatën e Rrethit Gjyqësor Korçë. Ligji nr. 9669, datë 18.12.2006, “Për masa ndaj dhunës në marrëdhëniet familjare,” njofton policia.

Leave a Reply

Your email address will not be published. Required fields are marked *