Majku nervozohet kur pyetet për Melita Nushin

Me këngët e tij e zërin e veçantë, ai arriti të bëhet një nga reperët më të famshëm në vend.

Bëhet fjalë për Majkun, i cili ka kohë që më shumë se për karrierën e tij është bërë i përfolur për shkak të jetës së tij private, transmeton Gazeta Express.

Ka disa muaj që reperi i famshëm flitet për një lidhje të mundshme me modelen nga Prishtina, Melita Nushi, por që deri më tani ai vazhdimisht ka mohuar një gjë të tillë.

Përveç lidhjes është përfolur se Melita është edhe shtatzënë.

I kontaktuar nga Express, Majku përsëri ka mohuar të gjitha këto lajme, madje ai edhe është nervozuar duke thënë të mos të përzihemi në jetën e tij personale.

“Po çfarë të vërteta, edhe nuk ju intereson as juve as askujt”, është shprehur ai.

Ndryshe, Majku ka qenë në lidhje edhe me modelen Majlinda Zeka me të cilën kanë edhe një fëmijë, Roanin e vogël./Gazeta Express/