Marrin formë tribunat dhe kulla, ja si duket “Arena Kombëtare” tani (VIDEO)

Punimet për ndërtimin e stadiumit qendror në Tiranë, “Arena Kombëtare” janë duke vazhduar me një intensitet të lartë.

Në një video të publikuar në rrjetet sociale nga Federata Shqiptare e Futbollit duket stadiumi që tani ka filluar të marrë formën e tij.

Në videon e publikuar nga FSHF duket që kati i parë i stadiumit duket drejt përfundimit sa i përket fazës së parë të punimeve dhe janë hedhur kolonat për katin e dytë.

Ndërkohë me të njëjtin ritëm kanë vazhduar punimet edhe për ndërtimin e kullës së stadiumit.

Nga ecuria e deritanishme e ndërtimit të stadiumit besohet se “Arena Kombëtare” do të përfundojë shumë shpejt dhe nuk pritet të ketë tejkalim të afateve.

Më poshtë video: