“Nuk i pëlqeja Zidanit, pavarësisht se asistoja e shënoja gola”

​James thotë se nuk e vesh më fanellën e bardhë vetëm për shkak se nuk i pëlqente si lojtar Zidanit.

James Rodriguez shkëlqeu në sezonin e parë më Carlo Ancelottin, por iu vështirësua gjithçka me ardhjen e Rafa Benitez, edhe më shumë me atë të Zinedine Zidane, për çka edhe u detyrua të largohet nga “Santiago Bernabeu” gjatë verës që lamë pas.

James tani mendon se largimi i tij nga Real Madridi ka të bëjë me trajnerin Zinedine Zidane, që nuk i ka pëlqyer si lojtar, jo për shkak të paraqitjeve, pasi kolumbiani mendon se ka luajtur mirë sa herë ka zbritur në fushë.

“Mendoj trajnerët kanë preferencat e tyre dhe mendoj se nuk isha një nga preferencat e Zidane, pavarësisht se luaja mirë, shënoja gola dhe dhuroja asistime. Siç thash më parë, të gjithë kanë preferenca dhe duhet t’i respektojmë” u shpreh ai.

“Nuk e kam ndërmend të kthehem. Ndihem mirë dhe dua të fitoj gjithçka me Bayernin”, shtoi James.