Sot është 34 vjetori i rënjes së heronjëve Rexhep Malaj e Nuhi Berisha

Dy trima e dy heronjë Rexhep Malaj e Nuhi Berisha sot kujtohen anembanë trojeve shqiptare.

Me prejardhje nga Komuna e Dardanës,(Hogosht dhe Svircë)  si student me iniciativën e Rexhep Malaj-t

dhe të bashkëveprimtarëve të tjerë formohet Komiteti i Studentëve në kuadër të Grupit Revolucionar, i cili do t’i shërbejë Lëvizjes çlirimtare të shqiptarëve si bërthamë e parë për lëvizën e pranverës  studentore të 1981-it.

Rexhep Malaj dhe Nuhi Berisha provuan të vihen në themelet e një organizimi të lëvizjes çlirimtare, që vepronte në vazhdimësi. Ata bashkë me një grup shokës ishin nismëtarët e forcave të rezistencës që më vonë u quajt Ushtria Çlirimtare e Kosovës.

Rexhep Malaj e Nuhi Berisha shquhen ndër figurat më të ndritura të qëndresës dhe sakrificës sonë kombëtare. Sot për veprën patriotike të Rexhep Malaj-t me plot krenari flasin bashkëpunëtorët, bashkëluftëtarët, bashkëfshatarët dhe mbarë Kosova ndonëse emrin e Rexhep Malaj-t e Nuhi Berishës e hasim në shumë rrugë të cilat me nderë e krenari mbajnë emrin e tij e hasim në shumë sheshe e vatra edukativo-arsimore.

Kazerma e qytetit në Gjilan me krenari mban emrin e bërthamës së UÇK Rexhep Malaj e Nuhi Berisha si dhe në qendër të qytetit është vendosur lapidary i tyre. Eshtrat e Rexhep Malaj-t dhe Nuhi Berishës janë bartur tek varrezat e dëshmorëve në Gjilan. Ata kishin vizion të qartë për të ardhmen e Kosovës dhe guximin e duhur për të vepruar kundër regjimit të atëhershëm.

Rexhepi e Nuhiu vlerësohen si dy nga figurat qendrore të rezistencës dhe përpjekjeve të popullit shqiptarë të Kosovës për liri e pavarësi, dhe janë çmuar për trimërinë, sakrificën e lartë dhe aftësitë organizative.

Ndërmjet 11 e 12 janarit të vitit 1984 Rexhep Mala e Nuhi Berisha ranë heroikisht gjatë përleshjes ballë për ballë agjentët e UDB-së dhe forca të mëdha policore jugosllave të udhëhequra nga Tahir Zema në Kodrën e Trimave në Prishtinë.

Lavdi heronjëve Rexhep Malaj e Nuhi Berisha!

Nga: Qazim Doda

Leave a Reply

Your email address will not be published. Required fields are marked *