BEFASUESE: Dhjetra protestues kërkojnë rikthimin e Kreshnik SPAHIUT

Ashtu siç edhe u premtua të Shtunën e kaluar, sot në orën 11:00 në sheshin përpara Kryeministrisë Shoqëria Civile protestoi sërish kundër marrëveshjes së shitjes së detit. Aktivistëve i ishin bashkëngjitur dhe qytetarë të tjerë të ardhur nga të gjitha trevat shqipfolëse, përfshirë këtu dhe Gjergj Kastriotin, protestuesin më të vogël nga Kumanova. Përpos kërkesave të drejtuar qeverisë dhe qytetarëve të vendit për të protestuar kundër kësaj marrëveshje ajo që ra në sy ishte kërkesa që dhjetra protestues kërkonin Revolucion dhe rikthimin e Kreshnik Spahiut, themeluesit të Aleancës KuqeZi, lideri që ka mbrojtur ndër vite tezën e interesave Kombëtare. Rikthejmë në vëmendje se slogani që Spahiu zgjodhi asokohe për lëvizjen e tij ishte: “ZOTI ËSHTË I PARI, SHQIPËRIA MBI TË GJITHA!”.

Protestuesit mbanin në duar një banner me foton e Kreshnik Spahiut me mbishkrimin: “DUAM REVOLUCION, DUAM KRESHNIK!”

Ditë më parë i ftuar në emisionin 360 gradë të Artur Zhejit, K. Spahiu deklaroi se është krim kombëtar nëse shitet deti Greqisë dhe se kjo marrëveshje duhet ndalur, ai i bëri thirrje dhe prokurorisë të hetoj kryeministrin Rama dhe ministrin Bushati për këtë çështje.

Por pyetja që ngrejmë sot është: A do të rikthehet Kreshnik Spahiu në politikë? Dhe a do t’i bashkëngjitet ai protestave të Shoqërisë Civile kundër shitjes së deiti?

Leave a Reply

Your email address will not be published. Required fields are marked *