Del nga shtrati lumi Ishëm në Fushë-Krujë, 10 banesa përmbyten

Për shkak të shirave me intensitet të lartë lumi Ishëm në Fushë-Krujë, ka dalë nga shtrati duke përmbytur 10 banesa. Burime për Report Tv thonë se 80 familje janë të rrethuara ndërsa 35 të izoluara nga uji në fshatrat Murqine, Bilaj, Mallkuc, Likmetë.

Gjithashtu dhjetëra hektarë toka bujqësore, gjenden nën ujin e lumit Ishëm që prej orëve të mbrëmjes së djeshme. Banorët, kanë bërë apel për ndihmën e autoriteteve të Emergjencave Civile, pasi katet e para të 10 banesave janë pushtuar nga uji.