Dokumentet e vjetra përgënjeshtrojnë Veliajn: Teatri nuk ka material kanceroz

Pedagogu Besnik Aliaj ka reaguar përmes një postimi në Facebook për çështjen e shembjes dhe rindërtimit të Teatrit Kombëtar. Aliaj përmes fotove, ka zbuluar planimetrinë dhe projektin e ndërtimit të Teatrit Kombëtar të tanishëm.

Në kundërshim me deklaratën e kryebashkiakut Veliaj për prani lëndësh kancerogjene, Aliaj ka sjellë dokumente për të provuar se godina nuk është ndërtuar nga një lëndë kancerogjene.

Nga fotot e dokumenteve të teatrit, sipas Aliajt bëhet e ditur se nuk është shkruar gjëkundi për praninë e ndonjë materiali kanceroz.

“Duke pare arkiven personale kerkimore per historine e Tiranes hasa “Relacionin e projektit origjinal te godines se Teatrit Kombetar” ne vitin 1938 nga firma projektuese dhe zbatuese italiane (Pater – Construzioni Edili Speciali Milano). Nuk konstatova ndonje problem amianti apo materiali kanceroz.” – shkruan Aliaj në postimin e vet.