Një jetë dedikuar Mozaikut

Shkruan: Ajet Delaj, New York
Dita e fillimit te nje udhetimi artistik ndryshe nga menyra tradicionale e krijimit, realisht daton me ate ore, me ate ore te arte pune, kur me duart e tija do te mblidhte nje grusht guresh te vegjel shumengjyresh dhe mbi reren e njome buze detit do te realizonte portretin e nje vajze te vogel. Guret e vegjel afer, shume afer njeri tjetrit ne gjysem relievin e krijuar mbi rere, nen driten e diellit jepnin e merrnin mes tyre reflekse te pa imagjinueshme per ngjyrat e vajit mbi kanavac. Nje mrekulli e vertete! Nje portret qe, qe ne aktin e krijimit ai e dinte qe e para dallge qe do ta arrinte do tia merrte me vete si nje kujtim mes thellesise e mistereve qe nje dete ruan. Dhe po ne ate moment intuita e nje artisti te vertete, rezultat i nje pune shume vjecare e ndihmuar nga eksperienca e kulturave te qyteterimeve te hereshme per artin e mozaikut e ktheu ate moment iluminimi ne nje verdikt fatal. Mozaik.
Pas asaj dite, vete jeta e artistit Myftar Cubi, do te merrte nje tjeter drite e nje tjeter vitalitet te pa njohur me pare edhe prej vete tij, nje jete dedikuar mozaikut, qe sikurse do ta quante qe ne Rilindjen Italiane artisti Girlandaio: “piktura e vertete e perjeteshme”.
Nga ajo dite edhe pushimet tradicionale verore vite pas viti do te ktheheshin per artistin e familjen e tij ne ekspedita te verteta kerkimi, drejt thesareve qe deti i rezervon pergjate brigjeve: gure te vegjel te shumengjyrte, latuar nga dallget e detit, drita e diellit dhe henes ne netet e ngroheta verore.  Ai do t’i mblidhte ato gure me dashurine dhe kuriozitetin e nje femije duke perfytyruar portretin e nje heroi, te nje personaliteti te njohur apo per bukurine e nje nudoje femerore qe mezi priste te kthehej ne studio per ta realizuar!
Akti i realizimit te nje vepre te vertete arti ne tekniken e mozaikut, me shume se cdo lloj tjeter pikture kerkon energjine, talentin, mundin dhe shpirtin e mjaftueshem per te pasur nje jete te veten deri ne limitet e perjetesise.
Kete mrekulli mund ta realizojne vetem njerez te zgjedhur prej zotit dhe per Shqiperine e sotme ky eshte artisti Myftar Cubi. Nje merite artistike e pa konfondueshme per gjithe historine e artit te mozaikut, eshte perdorimi gureve natyral, te pa prekur apo thyer per realizimin e veprave te tij. Kjo cilesi artistike eshte rezultat, i nje dashurie te paskajshme per ata gure te vegjel qe ai i trajton me fanatizem.Por, e nje rendesie te vecante eshte mjeshteria artistike e realizimit te veprave te tij.
Te gjitha veprat e tij jane ne tonet e nje grije te arte, karakteristike e gureve mesdhetare por qe ne art eshte vlere shume e larte artistike. Fale ketij niveli te larte artistik, Myftar Cubi arrine te krijoje kofidenca e te marre respektin e institucioneve e personaliteteve te njohura si ish Presidenti Amerikan – Bill Klinton, Kancelarja – Angela Merkel apo Vatikanit me portretin e Papa Wojtyla.
Veprat e tij tashme jane pjese e jetes se koleksionisteve, artedashesve e institucioneve te rendesishme, fale ekspozitave te shumta personale e kolektive te realizuara ne Shqiperi e kudo ne bote.
Por, nese do te shikonim per nje moment portretet e realizuara pergjate ketyre viteve do te na binte ne sy qe i vetmi portret, realizuar disa here e secili ne nje forme kompozicionale unike, eshte portreti i Nene Terezes. Natyrshem na linde pyetja: Perse valle ky dedidikim per Nene Terezen? Dhe pergjigjen e gjejme ne vete jeten e artistit.
Myftar Cubi, eshte nje artist i lindur ne alpet e Shqiperise, edukuar e rritur me vlera te larta qytetare si: ndershmeria, e te qenurit prind i devotshem, burre i nje gruaje qe e adhuron dhe i respektueshem ndaj te tjereve.
Cilesi keto qe e lidhin dhe bejne te ndihet natyrshem nje bashkekohes, nje bashkeatdhetar e mbrojtes te te njejtave ideale me Nene Terezen.
Nese ne 1300-ten  qytetaret e Firences shikonin ne rruge Dante Aligerin, autorin e Komedise Hyjnore, thonin mes tyre se eshte ai qe naten udheton nen toke e diten shetit mbi te. Sot, nese pergjate bregut te detit nga veriu e deri ne jug do te shihni nje burre qe mbledh thesaret qe i nxjerre deti, pa dyshim, ai eshte artisti Myftar Cubi, me dedikimin per artin e mozaikut e idete e shumta per vepra te verteta qe zoti e zgjodhi me denimin ne jete per dashurine e pafundme per mozaikun dhe cmimin rezevuar me nje emer perjetesise!