“Rashford? Mëkat që stërvitet nga Mourinho”, portugezi: Flet trajneri më i dështuar

Holandezi De Boer në një inetrvistë të tij e cilësoi mëkat që Marcus Rashford stërvitej nga Jose Mourinho. Ish trajneri i Inter dhe i Crystal palace u shpreh se portugezi nuk i jep minutat e duhura futbollistit anglez pasi ai kërkon vetëm të fitojë.

“Është një mëkat që trajneri është Mourinho pasi normalisht ai është një lojtar anglez që ka nevojë për minuta në mënyrë që të gabojë dhe të mësojë. Por Mourinho nuk është ashtu. Ai kërkon rezultatet,” është shprehur ish-trajneri i Crystal Palace për BT Sport.

 

“Nëse ai ka dy ndeshje jo të mira, ai do ta heqë nga formacioni. Ai është një lojtar i ri, ka nevojë për minuta. Atë lojtar duhet ta shohësh çdo javë në fushë.”

Këto deklarata kanë rënë në veshin e Mourinho-s i cili nuk ka nguruar t’i kthejë përgjigje Frank de Boer.

“Kam lexuar çfarë tha trajneri më i dështuar i historisë së Premier League, Frank De Boer, shtatë ndeshje, shtatë humbje, zero gola.”- shprehet Mou.

“Nëse Marcus do të mësonte nga Frank, do të mësonte si të humbiste.”