PSG shkatërron Monakon dhe feston titullin kampion 5 javë para fundit

PSG-ja shkatërron Monakon me rezultatin 7-1 dhe feston titullin kampion në Francë, me një diferencë të frikshme nga ekipi i principatës, që ka 17 pikë më larg. Skuadra e Unai Emeri arrin të festojë zyrtarisht 5 javë përpara fundit të kampionatit në një ndeshje që nuk kishte histori.

Në harkun kohor të 27 minutave, ekipi parisien kishte shënuar 4 gola, njëri më i bukur se tjetri. Lo Selso shënoi 2 herë, ndërsa më vonë Kavani dhe Di Maria bombarduan portën e Subashiç. Pjesa e parë dhuroi edhe një tjetër gol, por këtë herë ishte Monako që reagoi me Roni Lopesin në minutën e 38-të.
Por ndeshja kishte marrë rrjedhën e saj dhe ishte e vështirë për ta ndryshuar.

Di Maria, autogoli i Falkaos dhe Draksler në fund i dërguan shifrat në 7- 1. Festë për titullin kampion, por ndoshta Al Khelaifi kërkoi që në këtë sezon ekipi të mos kënaqej vetëm me dominimin në Francë, por edhe me Ligën e Kampionëve. Këtë të fundit do ta provojë sezonin e ardhshëm.

Leave a Reply

Your email address will not be published. Required fields are marked *