Përçarja e opozitës/ PD kundër Xhafës, LSI kundër Ramës

Prej gati dhjetë ditësh Partia Demokratike e ka bërë objektiv sulmi, Ministrin e Brendshëm Fatmir Xhafaj.

Sot, kreu i PD –së Lulzim Basha ka bllokuar foltoren e Kuvendit, duke ripërsëritur akuzat ndaj Fatmir Xhafajt dhe vëllait te tij.

Por, edhe sot pas dhjetë ditësh, LSI nuk është bashkuar me PD ndaj sulmit të Ministrit të Brendshëm.

As dje LSI nuk i është bashkuar  protestës së organizuar nga Basha me aleatët.

Përgjatë këtyre ditëve, LSI dhe Kryemadhi nuk kanë dhënë asnjë deklaratë  kundër Fatmir Xhafajt.

Sot, Kryemadhi jashtë dyerve të Kuvendit, tregoi qartë se PD-LSI, ishin të përçarë për çështjen Xhafaj.

Sot, Kryemadhi lëshoi bombën, duke thënë se është kryeministri Edi Rama, ka nxjerrë faktet dhe përgjimet  e rastit Xhafa.

Jemi në një situatë, ku Kryemadhi sulmon  Ramën, ndërsa Basha sulmon Xhafën.

Kjo vërteton atë që CNA.al  ka thënë, me herët se LSI dhe Kryemadhi, njërën dorë  e ka në bakllava  dhe tjetrën  në revani.

Jo vetëm Fatmir Xhafën, por LSI nuk flet dhe për të sulmuar as që bëhet fjalë edhe Erion Veliajn.

Sot Kryemadhi e tregoi qartë se opozita është përçarë,  ndërkohë që PD sulmon Xhafën, LSI i del në mbrojtje dhe sulmon Ramën.

Në deklaratën e  saj para Kuvendit,  Kryemadhi ishte më agresive duke thënë se dosjen Xhafa e solli Rama , ndërkohë që ajo është publikuar nga PD.

Kryemadhi drejtpërdrejt ka mbrojtur Xhafën dhe ka dalë në sulm të Ramës për publikimin e dosjes së tij./CNA.al