Tension tek Krimet e rënda/ Hajdarmataj përplaset me Tahirin

Pas shkarkimit nga kryeprokurorja e përkohshme Arta Marku, ish-kreu i Krimeve të Rënda, duket se nuk ka në mend të heq dorë nga çështja Tahiri.

A është kjo një kundërpërgjigje për kryeprokuroren Marku, do ta tregojë, koha, por sot Hajdarmataj ka dalë përballë ish-ministrit të Brendshëm Saimir Tahiri.

Në seancën gjyqësore, të mbajtur për rivlerësimin e masës së arrestit, nga grupi i Prokurorëve që po hetojnë Tahirin janë paraqitur Vladimir Mara dhe ish-kryeprokurori Besim Hajdarmataj.

Për Hajdarmarajn, kjo është përballja e  tretë, të paktën publikisht me Saimir Tahirin.

Më herët Hajdarmataj është përplasur me Tahirin në Këshillin e Mandatave, ndërsa kërkonte heqjen e imunitetit të tij.

Madje në Këshillin e Mnadateve ata kanë replikuar ashpër me njëri tjetrin. Një tension i tillë u vërejt dhe në nisjen e seancës së sotme, gjatë së cilës nuk kanë munguar përplasjet mes Tahirit dhe Hajdarmatajt.

Seanca për rivlerësimin e masës së arrestit ka nisur në orën 11 të paradites së sotme dhe ende po vijon.