VIDEO/ Rekordmeni shqiptar i hedhjes së diskut stërvitet me tepsi

Dhimitri Jorgos është rekordmen i hedhjes së diskut dhe ende kampion Shqipërie. Për të gjithë ata që nuk e dinë, shihni këtë video të publikuar nga 54-vjeçari në profilin e tij në Facebook, ku tregon se stërvitet me tepsi.

E gjitha kjo ndodh nga pamundësia, ndërsa Jorgos tregon se të vetmet objekte që i përafrohen diskut, janë tepsitë, prandaj dhe i ka zgjedhur.

Ai shkruan: “Të dashur miq. Sot ju përshtata “veglës” sime dhe e kisha të pamundur që përveçse tepsise t’i afrohesha. Ambienti dhe kryesorja disku, që kur kam filluar kontratën me klubin nuk jam pajisur me asnjë lloj vegle. Jam munduar të bëj stërvitje me mjete rethanore dhe më në fund tepsia më mbeti.
Hajd për hajër më qoftë. Kjo video në pritje të diskut…sepse me 30 maj kemi kampionatin kombëtar dhe më duhet që për dy javë të harxhoj nga një tepsi 500 përditë.
Do t’ia fal klubit çdo ditë nga një tepsi”.