Aurela Gaçe flet për vjehrrën:’Si ua mbylli gojën atyre që përbaltën martesën time me Skerdin’

Nuk dimë t’ju themi me siguri se kur daton ngjitja për herë të parë në skenë e Aurela Gaçes, por jemi shumë të lumtur që është pjesë e saj dhe vazhdon t’i japë kaq shumë muzikës shqiptare. Vajza vlonjate, e cila është dalluar që në fillimet e saj për zërin potent, sensin e humorit me të cilin ka bërë për vete me qindra fansa jo vetëm në eventet ku merr pjesë, por edhe në gëzimet e ndryshme familjare, si dhe stilin ekstravagant që e karakterizon nga të tjerët.

Energjia e Aurelës është thuajse e pashtershme dhe këtë gjë e tregon jo vetëm në daljet publike, por edhe në familje. Mamaja e dy vajzave, Grace dhe Abigail, ka qenë e ftuar para disa javëve në studion e ‘’Xing me Ermalin’’ ku ka folur më gjatë për karrierën dhe familjen. Mirëpo vetëm ditën e shtunë janë zbuluar për publikun disa prej të pathënave të shumë personazheve, në rubrikën off record.

Aurela ka rrëfyer për disa incidente të vogla, më saktë thashetheme lidhur me martesën e saj me Skerdin. Duke qenë se ai është 2 vite më i vogël se Aurela, shpeshherë njerëzit pyesnin si është e mundur që ata janë martuar, madje edhe aludonin se mes tyre ishte Aurela që mbante pantallonat e lidhjes. Aurela e ka marrë me të qeshur gjithë këtë dhe ka treguar që ka qenë vjehrra e saj garipe që u ka mbyllur gojën të gjithëve.

”Vjehrra ishte në parukeri kur dëgjoi dy gra të thonin si ka lejuar mamaja e Skerdit të birin të martohej me një grua më të madhe në moshë. Kaq ka mjaftuar që ajo të reagojë dhe t’u mbyllë gojën.”, -tha Aurel.a  Gjithashtu ajo ka habitur kur ka folur për karakterin e bashkëshortit. “Skerdi është shumë i qetë, nxehet rrallë. Ama është nga ata që po u nxeh, hapi rrugën. Më mirë unë që e kam 5 minuta dhe kur më kalon të fal. Ai është gjithë kohën sikur të studion”, – tha Gaçe