Hapja e negociatave/ “Tahiri dhe Xhafaj mbajnë Shqipërinë në izolim”

Kreu i PD –së Lulzim Basha, në një dalje për mediat ka komentuar deklaratat deputetit të CDU-së, Johann David Wadephul.

Sipas tij, strategjia e deritanishme e Ramës nëpërmjet një fasade të rreme ka rënë.

“Qeveria është lakuriq para bote. Mesazhet e djeshme të deputetit të Bundestagut gjerman janë prova se gënjeshtrat nuk ecin. Është rritur trafiku i drogërava, reforma zgjedhore është kusht i rëndësishëm për hapjen negociatave, Saimir Tahiri është peshk i madh, emërimet në administratë të kundërligjshme, Fatmir Xhafaj është në konflikt interesi dhe vazhdimi i tij në detyrë bie ndesh me standartet evropiane të zbatimit të ligjit”, ka thënë ndër të tjera Basha.

Sipas tij zgjedhjet janë të qarta.

“Nëse duam Evropën, Tahiri duhet te jetë brenda si dhe Xhafaj duhet të largohet një orë e më parë”, ka thënë më tej Basha.