Agron Duka i rrëfen të gjitha: Zili për Fatos Nanon, episodi me Olldashin dhe çfarë ka në plan opozita

Sot në emisionin e mëngjesit në intv dhe In Radio 105.7 ishte i ftuar Agron Duke kryetari i PAA.

Ai u ftua për aktualitetin politik sidomos me një reformë të re zgjedhore në horizont.
I pyetur nga moderatori i KafeIN ai tha se ka një marrëveshje mes partive opozitare për një ristrukturim të sistemit zgjedhor për aq kohë sa aktuali nuk përkthehet në vullnet popullor. I mundshëm një kalim te listat e hapura.

I ngacmuar për mundësinë e një ndryshimi kahu, Duka tha se gjithçka varet nga korrektësia e Bashës në raport me partnered e koalicionit. Ai gjithashtu u shpreh për ruajtjen e votave dhe mundësinë e kandidimit në Durrës.

I pyetur nëse ndjente zili për ndonjë politikan, Agron Duka deklaroi se ishte Fatos Nano personi politik për të cilin ndjente zili. Arsyeja ishte, krahas vlerësimit për qeverisjen, tolerance dhe tejkalimi i inateve personale. Ndryshe nga Duka I cili rrëfeu se I kishte përjetuar sulmet e Berishës dikur.

I pyetur për një tjetër ish Kryeministër të majtë si Fino dhe humbjen përballë vëllait, Armando, për kreun e FSHS Duka tha se do ishte surprizuar nëse rezultati do kish qënë ndryshe e jo fitorja e “Mondit”.
Sa i takon emocioneve personale në politikë, Duka rrëfeu një episod shumë interesant me Sokol Olldashin në një përballje televizive.

Ndër të tjera një surprise ishte dhe një mesazh live në emisionin KafeIN nga Eni Çobani. Duka i ngacmuar nga moderatori rrëfeu se e njeh kush është Noisy, pasi është nga Sukthi por preferon Flori Mumajesin. Sa i takon femrave ai kishte disa preference shumë interesante e madje po aq ishin ato për analistët e preferuar politik.