Rama pro ndarjes së Kosovës? Bild: Eshtë i gatshëm të pranojë idetë e Vuçiç!

Edi Rama nuk ka folur këto ditë nëse është pro apo kundër versiont të ndarjes së Kosovës, por sipas asaj që thotë Karl Bild, ish kryeministër i Suedisë, aktualisht kolumnisht për “The Washington Post” qëndrimi i tij është pro idesë së Vuçiç për të marrë territore të shtetit të Kosovës në shkëmbim të njohjes në OKB.

Në një analizë botuar në prestigjiozen amerikane, Bildt zbulon qëndrimin e  Ramës, që siç e quan ai është pro idesë së Vuçiç.

“Në një takim me të, Rama ishte i hapur për idenë e Vuçiç, sic me tha mua’ shkruan Bildt për gazetën amerikane.

“Mund të ketë versione të ndryshme të skemave të ndarjes. Kosova mund të lëshojë zonën në veri të lumit Ibër, e banuar pothuajse ekskluzivisht nga serbët dhe pastaj të fitojë njohje diplomatike dhe ndoshta të fitojë edhe disa lokalitete kryesisht të banuara në Serbinë jugore.

Presidenti serb Aleksander Vucic po mendon përgjatë disa prej këtyre linjave, dhe Kryeministri shqiptar Edi Rama duket të ketë qenë gjithashtu i hapur per kete ide, siç më tha në bisedë”, shkruan Bildt.

“Dhe pastaj ekziston çështja edhe më e vështirë dhe e rrezikshme e Maqedonisë, ku shqiptarët janë pjesë e konsiderueshme e popullsisë. Do të ketë patjetër nga ata që pyesin pse kjo nuk duhet të zbatohet edhe në Maqedoni. Kjo do të ishte seriozisht te luaje me zjarrin.

Ka nga ata në Bruksel dhe Uashington që mund të thonë se nëse liderët në rajon bien dakord për një shkëmbim territori mes Serbisë dhe Kosovës, pse duhet të kemi ndonjë kundërshtim? Sidomos nëse përfshihet krijimi i marrëdhënieve të plota diplomatike? Por një qëndrim i tillë është i rrezikshëm. Në një kohë kur e gjithë vëmendja duhet t’i kushtohet nxitjes së stabilitetit, me këto çështje thjsht nxit e krijon tronditje në dekadat e ardhshme”.

Ditët e fundit, të njëjtës ide duket se i është bashkuar edhe Hashim Thaçi i cili nuk e artikulon të plotë, por ka hapur debatin duke u përqëndruar në idenë e bashkimit të Luginës së Preshevës me Kosovën.

Deri tani nga qeveria shqiptare ka pasur vetëm një reagim zyrtar i artikuluar nga Ministri jonë i Jashtëm, Ditmir Bushati i cili e ka quajtur këtë një hap pas dhe ka nënvizuar rrezikun e hapjes së Kutisë së Pandorës në Ballkan, një simbolikë për rrezikun e nxitjes së luftrave në rajon.