RENEA operacion në Divjakë, plagos rëndë një burrë në gjumë

Në një operacion të RENEA-s në fshatin Remas të Bashkisë Divjakë janë kryer kontrolle në orën 04:00 të mëngjesit në të paktën 7 shtëpi të fisit Lika. Sipas familjarëve forcat RENEA kanë shtënë me armë, duke plagosur rëndë në kokë shtetasin Haxhi Lika në kohën që ky ndodhej në gjumë. I plagosuri u transportua në spitalin e Lushnjës dhe është në gjendje kritike për jetën.

Të afërmit e të plagosurit pretendojnë se janë dhunuar fizikisht dhe janë keqtrajtuar nga forcat e policisë. Sipas banorëve policia u kishte thënë se operacioni po kryhej për të arrestuar një të shumëkërkuar. Në këtë aksion mësohet se policia po kerkonte shtetasit Martin dhe Arben Lika, te cilet nuk arriti ti arrestoje./AbcNews