Në cilin shtet po jetojmë? Në cilin shekull ?

nga – Jola Hysaj

Jetojmë në një shoqëri te shtypur ku flitet shumë e punohet shumë pakë , ku shteti kërcet kërbaçin dhe njerëzit heshtin, ku revolta qytetare mbytet nga korrupsioni terrori dhe dhuna psikologjike. Jetojmë në shtetin e së  drejtës së vdekur, ku njerëzit janë të pashpresë dhe të strapacuar nga torturat burokratike ,e të gangove që përfaqësojnë dhe rrethojnë shtetin ,pushtetarët dhe të drejtës i duhet te heshti.

Zëri i së drejtës është i rraskapitur dhe përpiqet fortë të mundohet të mbijetojë . Jetojmë në qytete të zhytura ne kriminalitet banda dhe kanabizim.

“ Kafshatë që s’kapërdihet është or vëlla mjerimi ,kafshatë që të ngec në fyt dhe të kaplon trishtimi”

Dreqi ta haj jetojmë në një vend  te vogël ku zoti i ka falur natyrës sonë të gjitha resurset natyrore më të bukura ku numri i popullsisë është i vogël dhe i kemi dhuruar vetes një qeverisje për te na bërë të zhdukemi nga vendi ynë me vrap. Zgjohemi çdo ditë me shpresën ku do jetë destinacioni me i thjeshte për tu arratisur nuk ka shume rendësi ku mjafton të jete shume larg prej këndej.

Ne bisedat me njerëz gjithmonë e me shume përballem me një pesimizëm te tejskajshëm ku secili tregon rastin e tij dhe njeri është me i dëshpëruar se tjetri dhe shpresa e vetme është te largohen sa me shpejt nga mallkimi i këtij vendi. Ku varfëria ka arritur skajet dhe rrethinat e qyteteve janë te tej mbushura me skamje dhe varfëri ekstreme dhe nga ana tjetër qeveria bën dhe sikur qanë hallin dhe Kryeministri publikon gjithmonë e me shume videot e hipokrizisë së tij pasi varfëria e kësaj shoqërie vjen pikërisht nga vete ai. Ku aktrimi është përtej rëndësisë se mirëqenies se shoqërisë.

Pse është kaq e vështire në 2018 të jemi të lirë? Liria është e drejta themelore e Konventës së të Drejtave të Njeriut  dhe në Shqipërinë tonë, pavarësisht se disa e pranojnë nën zë te tjerë pohojnë në heshtje dhe te pakte ne numër janë ata te cilët e pranojnë me zë qe kjo e drejte mungon?

Pse kaq shume frikë për te kërkuar të drejtat dhe liritë tona? Përgjigja është e thjeshte sepse ne çdo dere qe trokasim , o kjo e fundit na përplaset ne fytyre , o përballemi me arrogancën burokratike , o me presion te hapur. Pse taksat na kërkohen me ngulm kur detyrimet që shteti ka ndaj shtetasit të tij anashkalohen? Pse kur kërkojmë shërbime në sportele të ndryshme përballemi me arrogance e me përbuzje, kur këta njerëz paguhen pikërisht nga taksat tona?

Në cilin shtet po jetojmë?  Me siguri nëe shtetin e çudirave . Në cilin Shekull ?  Me siguri jo në Shekullin e 21 si e gjithë bota .