Higuain del i dëmtuar nga fusha. A do të luajë kundër Juves?

Në fitoren 0-1 ndaj Udineses, erdhi një lajm i keq për Milanini. Gonzalo Higuain u dëmtua në pjesën e parë dhe në minutën e 35 u largua nga fusha për t’i lënë vendin Castillejos.

Sulmuesi mori një goditje të fortë me gju në kurriz nga kundërshtari dhe kërkoi zëvendësimin 10 minuta pas përplasjes.

Edhe pse mediat sportive italiane thonë se dëmtimi nuk është serioz, duhen pritur ditët në vazhdim për të parë gjendjen e numrit 9 të kuqezinjve.

Sfidat e ardhshme të Milanit janë kundër Betis dhe Juventusit (11 nëntor). Gattuso po shpreson që ta ketë në dispozicion Higuainin të paktën kundër bardhezinjve.

Leave a Reply

Your email address will not be published. Required fields are marked *